chhattisgarh : मुख्यमंत्री भूपेश बघेल ह दंतेश्वरी माई ल अर्पित करही 11 हजार मीटर के चुनरी, पढ़व

जय जोहार । (chhattisgarh ) मुख्यमंत्री भूपेश बघेल ह बस्तर अंचल म भेंट-मुलाकात के दउरान 23 मई के दंतेवाड़ा पहुंचही अउ प्रसिद्ध दंतेश्वरी मंदिर म दंतेश्वरी माई के दर्शन करही । मुख्यमंत्री ह दंतेश्वरी माई ल 11 हजार मीटर लम्बी चुनरी घलो अर्पित करही । गौरतलब हे कि दंतेवाड़ा जिला के डैनेक्स नवा गारमेन्ट फैक्ट्ररी म कार्यरत महिला मन ह ए चुनरी ल तैयार कर नवा कीर्तिमान ल स्थापित करे हे ।

दंतेवाड़ा जिला प्रशासन के पहल म दंतेवाड़ा म डैनेक्स नवा गारमेन्ट फैक्ट्री म 300 कार्यरत महिला मन ह भक्ति भाव अउ उत्साह ले दंतेश्वरी माई बर 11 हजार मीटर के चुनरी ल तैयार करे हे । (chhattisgarh ) एला बनाय म महिला मन ल लगभग एक हफ्ता के बेरा लगीन हे । डैनेक्स के महिला मन डहार ले तैयार करे चुनरी जनप्रतिनिधि अउ श्रद्धालु ह माई दंतेश्वरी मंदिर ले भैरमबाबा मंदिर होत कतियारास ले लेके परिभ्रमण करीन ।

कारीकरम म दंतेवाड़ा विधायक देवती महेन्द्र कर्मा, छत्तीसगढ़ (chhattisgarh ) पादप बोर्ड उपाध्यक्ष छबिन्द्र कर्मा, जिला पंचायत अध्यक्ष तुलिका कर्मा, जिला पंचायत सदस्य सुलोचना कर्मा अउ स्थानीय जनप्रतिनिधि सामिल होइन हे ।