CISCE Board ह करिन दसवीं बोर्ड के परीक्षा ल रद्द, पढ़व पूरा खबर
जय जोहार…. कोरोना के सेती अब सीआईएससीई बोर्ड ह दसवीं बोर्ड परीक्षा ल रद्द कर दे हे। पहले बार्ड के नोटिफिकेशन म कक्षा दसवीं के छात्र मन बर परीक्षा वैकल्पिक रेख गे रिहिन। दसवीं के जेन छात्र ह परीक्षा म उपस्थित नई होना चाहत हे, बोर्ड ह ओखर मन बर विशेष मूल्यांकन पद्धति ले परिणाम ल तैयार करही। उहचे जेन छात्र ह परीक्षा ल देना चाहत हे, ओ हा कक्षा बारहवीं के छात्र मन के संग परीक्षा म भाग ले सकही।
CISCE Board के तरफ ले पहिले ही 12वीं के परीक्षा ल स्थगित करे के घोसना करे जा चुके हे। बोर्ड के तरफ ले कहे गे हे कि बारहवीं के परीक्षा बाद म आयोजित करे जाही। एखर बर जून म तारिख घोसित करे जा सकत हे।
सीआईएससीई बोर्ड (CISCE Board) के 10वीं बोर्ड परीक्षा ह 4 मई ले सुरु होवइया रिहिन। एखर आखिरी पेपर ह 7 जून के होना रिहिन। जबकि बारहवीं के परीक्षा 8 अप्रैल से जारी रिहिन अउ 18 जून के आखिरी पेपर रिहिस। बता देन कि सीआईएससीई ह दो बोर्ड ले मिल के बने हे। एखर तहत 10वीं के परीक्षा आईसीएसई बोर्ड अउ बारहवीं के परीक्षा आईएससी बोर्ड के अंतर्गत होवत हे।
