सिविल जज के परीक्षा ह नई होही रद्द, मुख्य न्यायधीश के डिवीजन बेंच ह पलट दिस सिंगल बेंच के आदेश

जय जोहार बिलासपुर… लोक सेवा आयोग के ओर ले 2019 म ले गिस सिविल जज के परीक्षा रद्द नई होही। आज छत्तीसगढ़ हाईकोर्ट म सुनवाई के बाद मुख्य न्यायधीश रामचंद्रन मेनन अऊ पीपी साहू के डिवीजन बेंच ह सिंगल बेंच के आदेश ल पलटत ये आदेश जारी करिस।

बता देन कि पूर्व म हाईकोर्ट के सिंगल बेंच ह सिविल जज के रिजल्ट ल निरस्त करत परीक्षा रद्द करे के फैसला दे रहिस। ये फैसला के खिलाफ चयनित अभ्यर्थी ऋतुराज बर्मन अऊ अन्य ह मुख्य न्यायधीश के डिवीजन बेंच के समक्ष अपील प्रस्तुत करे रहिस।