जब मोहल्ला म पहुंचिस सफाई कर्मचारी, त लोग मन ह ताली अऊ फूल ले करिन स्वागत
जय जोहार बालोद…. कोरोना वायरस के बढ़त रफ्तार ह लोग मन के जनजीवन म ब्रेक लगा दे हे, लेकिन डॉक्टर, पुलिस कर्मी ले लेके सफाई कर्मी मन ह लोग मन के जान ल बचाए बर खुद ल जोखिम म डालत हे अऊ सामने आ के लोग मन के मदद करत हे। कोरोना वायरस ल हराए बर वाे मन ह दिन रात डटे हे, जेन अपन जान के परवाह करे बिना जनता के सेवा म लगे हे।
अईसे ही कुछु देखे बर मिलिस बालोद के गंजपारा म। जैसा ही ऊही इलाका म सफाई कर्मचारी ह पहुंचिस मोहल्ला के लोग मन ह ताली अऊ फूल ले ओखर मन के स्वागत करिस। सफाई कर्मचारी मन ल मोहल्ला वासी मन ह फूल के माला पहनाइस। संगेसंग भारत माता के जयकारा के संग जमकर लोग मन ह ताली बजाइस। सबो ह अपन ओर ले सफाई कर्मचारी मन ल तोहफा घलो भेंट करिस।
