कोरबा। सहर म युवा कांग्रेसी जमके हंगामा करिन। महिला सुरक्षा ल लेके कार्यकर्ता मन कलेक्टरेट के घेराव करे पहुंचिन। फेर प्रसासन ह उहां पहिली ले बैरिकेट लगा दे रहिस। जेकर ले पार्टी कारयकरता मन हंगामा ल अऊ तेज कर दिन। संग ही बैरिकेट के उपर ले पार जाए के कोसिस करिन। ये दउरान कार्यकर्ता अऊ अधिकारी मनके बिच झुमा-झटकी घलो होइस। पुलिस ह कार्यकर्ता मन ल भगाएके कोसिस करिस फेर ओमन नइ मानिन। हंगामा ल बाढ़त देखके कार्यकर्ता मन ल भगाए बर पानी के बउछार करे गिस।
