Chhattisgarh: सीएम भूपेश बघेल ह करिन शासकीय कर्मचारी मन ल एरियर्स के तीसर किस्त के भुगतान के घोसना, पढ़व

जय जोहार…. (Chhattisgarh) प्रदेश शासन ह शासकीय कर्मचारी मन ल सातवां वेतनमान के तहत बकाया एरियर्स के तीसर किस्त के भुगतान करे के निर्णय ले हे। एखर ले राज्य के 1 लाख 81 हजार ले जादा शासकीय सेवक ह लाभान्वित होही। कोविड 19 सती प्रभावित राज्य के आर्थिक गतिविधि ल तेज करे बर सीएम बघेल के तरफ ले दे गे निर्देश के तहत ये निर्णय ले गे हे।

गौरतलब हे कि (Chhattisgarh) राज्य के शासकीय सेवक मन ल छत्तीसगढ़ पुनरीक्षण नियम 2017 के लाभ 1 जनवरी ले प्रभावशील करे गिस, जेकर नकद भुगतान ल 1 जुलाई 2017 ले करे गिस। 1 जनवरी 2016 ले 30 जुन 2017 तक 18 महीना के बकाया एरियर्स के राशि ल 6 किस्त म भुगतान करे जाये के निर्णय ले गे रिहिन।

(Chhattisgarh) राज्य शासन के तरफ ले 1 जनवरी 2016 ले 31 मार्च 2016 तक के पहला किस्त के राशि 344 करोड़ रुपया के भुगतान 8 अगस्त 2018 अऊ 1 अप्रैल 2016 ले 30 जून 2016 तक के दूसर किस्त के राशि 356 करोड़ रुपया के भुगतान 4 अक्टूबर 2019 के करे जा चुके हे।