सीएम भूपेश बघेल ह अधिकारी अऊ कर्मचारी मन ले करिन अपील, मुख्यमंत्री सहायता कोष म फेर ले करय सहयोग

जय जोहार…. मुख्यमंत्री भूपेश बघेल ह प्रदेश म कार्यरत सब्बो शासकीय अधिकारी अऊ कर्मचारी ले अपील करे हे कि कोरोना महामारी के ए संकट म जरूरतमंद अऊ पीड़ित मन के सहायता बर पहिली असन आगू घलो सहयोग राशि ल प्रदान करे। मुख्यमंत्री बघेल ह अधिकारी अऊ कर्मचारी मन ल धन्यवाद देत हुये कहिन कि ओखर तरफ ले पूर्व म मुख्यमंत्री सहायता कोष म दे गे सहयोग राशि ले ए संकटकाल म जरूरतमंद मन ल काफी राहत मिले हे।

मुख्यमंत्री बघेल ह सब्बो ले पुन: अपील करे हे कि संकट के ए घड़ी म दैनिक वेतनभोगी मजदूर, जरूरतमंद अऊ पीड़ित मन के मदद बर आगू आ के पहिली असन मुख्यमंत्री सहायता कोष म अऊ सहयोग राशि ल प्रदान करे।