cm भूपेश बघेल ह वीडियो कांफ्रेंसिंग ले तीन रिसार्ट के करिन ई-लोकार्पण

जय जोहार…. सीएम (cm) भूपेश बघेल ह आज अपन निवास कार्यालय म आयोजित कार्यक्रम म प्रदेश म नवनिर्मित तीन रिसार्ट के ई-लोकार्पण करे हे।
सीएम  बघेल ह बिलासपुर जिला के कुरदर हिल इको रिसार्ट, कबीरधाम जिला के सरोधा दादर बैगा एथनिक रिसार्ट अउ कोंडागांव जिला म नवनिर्मित धनकुल एथनिक रिसार्ट के वीडियो कांफ्रेंसिंग ले ई लोकार्पण करिन।

(cm) ए तीनों रिसार्ट के निर्माण ल राज्य सरकार के पर्यटन विभाग के तरफ ले भारत सरकार स्वदेश दर्शन योजना के तहत करे गे हे।

सीएम भूपेश बघेल ह कहिन कि छत्तीसगढ़ के आदिवासी संस्कृति अउ ओखर ले जुड़े महत्वपूर्ण स्थल बार आज के दिन ह महत्वपूर्ण हे।

(cm) आदिवासी कला, संस्कृति अउ वैभव ले पर्यटक मन ल परिचित कराय बर ट्राइबल टूरिज्म सर्किट के विकास करे जावत हे।

भारत सरकार के स्वदेश दर्शन योजना के तहत 13 जनजातीय बाहुल्य स्थल म पर्यटक मन बर स्थानीय ट्राइबल अउ इको टूरिज्म थीम म आधारित सुविधा ल विकसित करे जावत हे।