cm भूपेश बघेल ह मिनीमाता के पुण्यतिथि म करिन नमन

जय जोहार… सीएम (cm) भूपेश बघेल ह छत्तीसगढ़ के प्रथम महिला सांसद मिनीमाता के पु्ण्यतिथि म ओ मन ल नमन करे हे।

सीएम बघेल ह कहिन कि सरल अउ सहज व्यक्तित्व के धनी मिनीमाता ह अपन पूरा जीवन ल मानव सेवा बर समर्पित कर दिस। सीएम (cm) भपेश बघेल ह कहिन कि असम म जन्मी मिनीमाता ह विवाह के बाद छ्त्तीसगढ़ के जनजीवन म रच अउ बस गिस।

दीन-दुखियो के सेवा बर मिनीमाता ह आजीवन समर्पण के संग लगे रिहिस।

दलित के नागरिक अधिकार के रक्षा बर अस्पृश्यता निवारण अधिनियम ल संसद म पारित कराय म मिनीमाता ह महती भूमिका ल निभाइस। सीएम (cm) भूपेश बघेल ह कहिन कि मिनीमाता ह मजदूर मन ल एकजुट करे बर छत्तीसगढ़ मजदूर संघ के गठन करिन।

मिनीमाता ल दलित अउ महिला मन के उत्थान बर करे गे कार्य बर सदा याद करे जाही।