जय जोहार…. मुख्यमंत्री भूपेश बघेल ह आज इहां अपन निवास स्थान म स्वास्थ्य विभाग के बइठक लिस। बइठक म सीएम बघेल ह कोविड-19 के वर्तमान स्थिति, संक्रमण ले बचाव अऊ रोकथाम के उपाय, संक्रमित मरीज मन के इलाज अऊ क्वारेंटाइन आइसोलेशन के व्यवस्था के समीक्षा करिन। बइठक म कृषि मंत्री रविन्द्र चौबे, गृहमंत्री ताम्रध्वज साहू, स्वास्थ्य मंत्री टीएस सिंहदेव, वन मंत्री मोहम्मद अकबर, सहकारिता मंत्री प्रेमसाय सिंह टेकाम, खाद्य मंत्री अमरजीत भगत, महिला अऊ बाल विकास मंत्री अनिला भेंड़िया, श्रम मंत्री डॉ. शिवकुमार डहरिया, राजस्व मंत्री जयसिंह अग्रवाल, उद्योग मंत्री कवासी लखमा, लोक स्वास्थ्य यांत्रिकी मंत्री गुरु रुद्रकुमार, मुख्य सचिव आरपी मंडल, अपर मुख्य सचिव मुख्यमंत्री सुब्रत साहू, स्वास्थ्य सचिव निहारिका बारिक सिंह, मुख्यमंत्री सचिवालय म उपसचिव सौम्या चौरसिया समेत वरिष्ठ अधिकारी ह उपस्थित रहिस।
