chhattisgarh : मुख्यमंत्री भूपेश बघेल ह गांधीग्राम कुलगांव म महात्मा गांधी के प्रतिमा के करीन अनावरण
जय जोहार। भेंट-मुलाकात कारीकरम के दउरान (chhattisgarh) मुख्यमंत्री भूपेश बघेल ह गांधीग्राम कुलगांव म महात्मा गांधी के प्रतिमा के अनावरण करीन अउ ओखर प्रतिमा म माल्यार्पण करे है। ए मउका म सीएम ह आदर्श गौठान के निरीक्षण करीन अउ गौठान म काम करइया महिला मन ले बातचीत करीन।
मुख्यमंत्री ह आदर्श गौठान म बकरी पालन, लेयर फार्मिंग अंडा उत्पादन अउ मशरूम उत्पादन केंद्र के घलो निरीक्षण करीन। .वो हा चिंरौंजी प्रसंस्करण केंद्र के निरीक्षण कर प्रसंस्करण के प्रक्रिया ल देखीन अउ काम करत महिला मन ले बातचीत घलो करीन।
(chhattisgarh) सीएम ह किहीन मशीन के उपलब्धता ले प्रोडक्ट शुद्ध होत हे। मनखे मन ल रोजगार घलो मिलत हे। एखर ले मनखे मन ल जादा ले जादा लाभ लेना चाही। हमर मन के उद्देश्य ये हे कि आदिवासी भाई मन के मेहनत के सम्मान होना चाही। ओखर काम के उचित कीमत मिलना चाही। हरेक परिवार के आमदनी बढ़ना चाही, ये परयास तभी सफल होही जब आप सबो मिलके सहयोग करही।
भेंट-मुलाकात करे ल पहुंचीन (chhattisgarh) सीएम बघेल ह गांधीग्राम कुलगांव म बरगद के पौधा लगाइन, ढेकी घलो चलाइन। एखर बाद कुलगांव ले मुख्यमंत्री सुपोसण अभियान के वाहन ल हरी झंडी दिखाके रवाना करीन।
