cm बघेल ह काली राजीव गांधी जयंती म किसान, वनवासी अउ गोबर विक्रेता मन के खाता म अंतरित करही राशि

जय जोहार…. पूर्व प्रधानमंत्री राजीव गांधी जयंती म गुरुवार के सीएम (cm) भूपेश बघेल ह राज्य के किसान, तेंदूपत्ता संग्राहक अउ गोबर विक्रेता मन के खाता म 1737.50 करोड़ रुपिया के राशि ल सीधा अंतरण करही।

सीएम (cm) बघेल ह ए राशि म ले धान, गन्ना अउ मक्का उत्पादक 19 लाख किसान मन ल राजीव गांधी न्याय योजना के तहत 1500 करोड़ के दूसर किस्त के राशि ल आनलाइन अंतरण करही।

एखर आलावा सीएम (cm) बघेल ह न्याय योजना के तहत गोबर विक्रेता मन ल 4 करोड़ 50 लाख रुपिया के राशि अउ तेंदूपत्ता संग्राहक मन ल वर्ष 2018 के प्रोत्साहन पारिश्रमिक के रूप म 232.81 करोड़ के राशि ल ओखर काता म अंतरित करही।

मुख्यमंत्री निवास म काली दोपहर 12.30 बजे आयोजित कार्यक्रम म सांसद सोनिया गांधी अउ राहुल गांधी ह वीडियो कांफ्रेसिंग के माध्यम ले शामिल होही। सीएम निवास कार्यालय म छत्तीसगढ़ मंत्रीमण्डल के सदस्य घलो उपस्थित रही।