chhattisgarh: सीएम भूपेश बघेल ह पीएम नरेंद्र मोदी ल लिखे हे पत्र, करिन ये आग्रह

जय जोहार…. (chhattisgarh) सीएम भूपेश बघेल ह प्रधानमंत्री नरेंद्र मोदी ल पत्र लिखे हे। ए पत्र म सीएम बघेल ह रायपुर के स्वामी विवेकानंद एयरपोर्ट ल अंतर्राष्ट्रीय एयरपोर्ट म अपग्रेड करे के मांग करे हे।

पत्र म (chhattisgarh) सीएम बघेल ह उल्लेख करे हे कि कोविड महामारी के सेती वैश्विक आर्थिक मंदी के बावजूद छत्तीसगढ़ ह देश के सबले तेजी ले बाढ़ते राज्य म ले एक रहे हे। औद्योगिक मोर्चा म राज्य के समृद्ध खनिज संसाधन म आधारित लोहा अउ इस्पात, सीमेंट, विद्युत अउ दूसर कोर क्षेत्र म उत्कृष्ट प्रदर्शन के बाद छत्तीसगढ़ ह विकास के ओर जादा बेहतर संभावना बर तैयार हे।

सीएम बघेल ह पत्र म लिखे हे कि (chhattisgarh) रायपुर म स्वामी विवेकानंद एयरपोर्ट के 2012 म नवा टर्मिनल के कमीशनिंग के कुछु बच्छर के बाद स्वामी विवेकानंद एयरपोर्ट ल दू घांव गैर मेट्रो श्रेणी म सर्वश्रेष्ठ हवाई अड्‌डा के रूप म मान्यता प्रदान करे गे हे। रायपुर के स्वामी विवेकानंद एयरपोर्ट ल अंतर्राष्ट्रीय एयरपोर्ट के रूप म अपग्रेड करे अउ कार्गो हब के उपलब्धता ले राज्य के विकास के क्षमता ल अउ जादा मजबूती मिलही। संगेसंग एखर ले छत्तीसगढ़ ल देश के केंद्र स्थल म स्थि होय के बेहतर लाभ घलो प्राप्त हो सकही।