CM Bhupesh Baghel ह राजिम माघी पुन्नी मेला के दीन बधाई अउ सुभकामना

जय जोहार। मुख्यमंत्री भूपेश बघेल (CM Bhupesh Baghel) ह 5 फरवरी ले सुरु होवत राजिम माघी पुन्नी मेला अउ शिवरीनारायण मेला के प्रदेस वासी मन ल बधाई अउ सुभकामना दीन हे । सीएम श्री बघेल ह किहीन कि छत्तीसगढ़ के प्रयागराज के रूप म प्रसिद्ध राजिम म हरेक बछर होवइया राजिम माघी पुन्नी मेला छत्तीसगढ़ के आस्था के प्रतीक हे ।

महानदी, पैरी अउ सोंढूर नदी के पवित्र त्रिवेणी संगम म सदी ले ए मेला के आयोजन होत हे । ए मेला म छत्तीसगढ़ के धार्मिक परंपरा के संगेसंग लोक संस्कृति के दर्सन होत हे । बड़का संख्या म आसपास के राज्य के मनखे मन घलो श्रद्धापूर्वक ए मेला म सामिल होत हे । राज्य सरकार ह ‘राजिम माघी पुन्नी मेला‘ ल ओखर मूल स्वरूप म आयोजित कर छत्तीसगढ़ के गौरवसाली सांस्कृतिक परम्परा ल संरक्षित अउ संवर्धित करे के परयास करत हे ।

सीएम श्री बघेल ह किहीन कि माघ पूर्णिमा के अवसर म शिवरीनारायण म घलो महानदी, शिवनाथ अउ जोंक नदी के पावन संगम म मेला के आयोजन होत हे । ए मेला म घलो मनखे मन ह बड़का श्रद्धा अउ आस्था के संग सामिल होत हे । वोहा महानदी के तट म सिरपुर म माघी पूर्णिमा के दिन ले सुरु होवत सिरपुर महोत्सव के घलो सुभकामना प्रदेस वासी मन ल दीन हे।