chhattisgarh: सीएम भूपेश बघेल ह फुण्डा म बनइया जैव विविधता उद्यान के करिन वर्चुअल भूमिपूजन

जय जोहार…. (chhattisgarh) सीएम भूपेश बघेल ह आज अपन निवास कार्यालय म मुख्यमंत्री वृक्षारोपण प्रोत्साहन योजना के सुभारंभ अवसर म दुर्ग जिला के पाटन तहसील के ग्राम फुण्डा म जैव विविधता उद्यान के वर्चुअल भूमिपूजन करिन। 20 एकड़ के क्षेत्र म विकसित जारी जावत ए उद्यान म जापानी मियावाकी तकनीक के उपयोग करत हुये 100 ले ऊपर प्रजाति के 3 हजार पौधे लगाए जाही। एमा हल्दू, बीजा, मुंडी, चंदन, महोगनी अउ नीम प्रजाति सामिल हे।

ए अवसर म (chhattisgarh) सीएम बघेल ह कहिन कि फुण्डा म विकसित करे जावत जैव विविधता उद्यान ले पर्यावरण संरक्षण के संगेसंग ग्रामीण मन म जनजागरूकता लाये में काफी मदद मिलही। ये बहुआयामी योजना ह स्थानीय मनखे मन ल रोजगार उपलब्ध कराए के संग विद्यार्थी अउ भावी पीढ़ी बर शैक्षणिक ज्ञान के महत्वपूर्ण स्रोत घलो होही।

ये परियोजना क्षेत्र के प्राकृतिक सौन्दर्य ल बढ़ाय अउ पर्यावरण ल स्वस्थ अउ स्वच्छ बनाय के घलो जरिया बनही। (chhattisgarh) वन मंत्री मोहम्मद अकबर ह कहिन कि ये परियोजना ल अवइया 5 बच्छर म 80 लाख के लागत ले पूरा करे जाही। योजना ले पर्यावरण संरक्षण के संग ग्रामीण मन म अपन पर्यावरण ल लेके जागरूकता बढ़ाय म घलो मदद मिलही।