cm भूपेश बघेल ह आईसीएमआर के डायरेक्टर ले कोरोना के नियंत्रण के संबंध म करिन चर्चा

जय जोहार…. सीएम (cm) भूपेश बघेल ह भारतीय आयुर्विज्ञान अनुसंधान परिषद (आईसीएमआर) के डायरेक्टर जनरल प्रो. बलराम भार्गव ले सनिच्चर के फोन म चर्चा करे हे। ए दौरान कोविड 19 के नियंत्रण बर प्लाज्मा थैरेपी समेत आन विषय म विचार विमर्श करिस।
ए दौरान सीएम (cm) बघेल ह छत्तीसगढ़ म कोरोना वायरस के नियंत्रण बर अपनाय जावत उपाय के जानकारी दे हे। संगेसंग कोरोना संक्रमित मरीज मन के इलाज अउ सुविधा म करे जावत विस्तार अउ कोविड 19 टेस्टिंग के संख्या म बढोतरी के बारे मे बताये हे।
सीएम (cm) बघेल ह मरीज मन के प्लाज्मा थैरेपी ले उपचार के संग आगू के कार्ययोजना अउ उपचार बर आवश्यक व्यवस्था म विस्तार ले चर्चा करिस। मुख्यमंत्री बघेल ह प्लाज्मा थैरेपी के संबंध म अपर मुख्य सचिव सुब्रत साहू अउ स्वास्थ्य सचिव निहारिका बारिक सिंह ले आवश्यक कार्रवाई करे ल केहे हे।