CM Bhupesh Baghel ह विधानसभा पाली तानाखार क्षेत्र म 97 करोड़ 30 लाख रुपिया के 59 ठीन विकास काम के करीन लोकार्पण अउ सिलान्यास

जय जोहार। मुख्यमंत्री भूपेश बघेल ह भेंट-मुलाकात कार्यक्रम के तहत आज कोरबा जिला के पाली तानाखार विधानसभा क्षेत्र के अंतर्गत लगभग 97 करोड़ 30 लाख रुपिया के विभिन्न विकास काम के सौगात दीन। सीएम ह 59 ठीन काम के लोकार्पण अउ सिलान्यास करीन । एमा लोकार्पण के 22 अउ सिलान्यास के 37 ठीन काम सामिल हे।

एखर तहत मुख्यमंत्री ह लोक निर्माण विभाग के अंतर्गत तीन ठीन काम, प्रधानमंत्री ग्राम सड़क योजना के अंतर्गत एक ठीन काम , जनपद पंचायत पोड़ी उपरोड़ा के अंतर्गत बारह ठीन काम, जनपद पंचायत पाली के अंतर्गत पाच ठीन काम, स्वास्थ्य अउ परिवार कल्याण विभाग के अंतर्गत एक ठीन काम के लोकार्पण करे हे।

अइसने प्रधानमंत्री ग्राम सड़क योजना अंतर्गत दो ठीन काम, जनपद पंचायत पाली के अंतर्गत चार ठीन काम, ग्रामीण यांत्रिकी सेवा विभाग के अंतर्गत 11 ठीन काम, छत्तीसगढ़ राज्य अक्षय ऊर्जा विकास अभिकरण के अंतर्गत एक ठीन काम, लोक स्वास्थ्य यांत्रिकी विभाग के अंतर्गत दो ठीन काम, जल संसाधन विभाग के अंतर्गत दो ठीन काम, आदिम जाति अउ अनुसूचित जाति विकास विभाग के अंतर्गत दो ठीन काम अउ शिक्षा विभाग के अंतर्गत 13 ठीन काम के सिलान्यास करे हे ।