Chhattisgarh: सीएम भूपेश बघेल ह वर्चुअल कार्यक्रम म 159 मेधावी विद्यार्थी मन ल करिन सम्मानित
जय जोहर…. (Chhattisgarh) सीएम भूपेश बघेल ह आज अपन निवास कार्यालय म आयोजित प्रतिभा सम्मान समारोह के वर्चुअल कार्यक्रम में माध्यमिक शिक्षा मंडल के बच्छर 2019 अउ 2020 के दसवीं अउ बारहवीं बोर्ड परीक्षा म प्रावीण्य सूची म स्थान प्राप्त करईया मेधावी छात्र-छात्रा मन ला सम्मानित करिन।
ए दौरान सीएम बघेल ह 159 मेधावी छात्र-छात्रा अउ विशेष पिछड़ी जनजाति के प्रतिभावान छात्र-छात्रा ल स्वामी आत्मानंद मेधावी छात्र प्रोत्साहन योजना के अंतर्गत मेडल अउ प्रशस्ति पत्र प्रदान कर सम्मानित करिन।
ए अवसर म (Chhattisgarh) सीएम बघेल ह सबो प्रतिभावान छात्र-छात्रा समेत ओखर पालक अउ शिक्षक मन ल बधाई अउ शुभकामना दीन हे, स्वामी आत्मानंद मेधावी छात्र प्रोत्साहन योजना के अंतर्गत प्रावीण्य सूची में स्थान प्राप्त करईया विद्याथी मन ल 1.50 लाख रुपया के राशि दे जावत हे।
(Chhattisgarh) सीएम बघेल ह कहिन कि प्रदेश सरकार ह प्रतिभावान छात्र-छात्रा मन के बेहतर अउ उच्च शिक्षा बर हर संभव मदद करात हे। ये मदद ह आगू घलो जारी रही, सीएम बघेल ह ओ मन ल लगा के पढ़ाई करे अउ सफलता हासिल कर माता पिता अउ छत्तीसगढ़ के नाव रौशन करे के अपील करिन।
