CM Bhupesh Baghel ह करीन बालाजी मेट्रो हॉस्पिटल के शुभारंभ
जय जोहार । मुख्यमंत्री भूपेश बघेल ह आज रायगढ़ जिला म श्री बालाजी मेट्रो हॉस्पिटल के नवनिर्मित भवन के शुभारंभ करीन । 400 बिस्तर के ए सुपर स्पेशलिटी हॉस्पिटल म मरीज मन ल अब एडवांस कैथ लैब, आईसीयू के सुविधा मिलही ।
बालाजी हॉस्पिटल म 12 वेंटीलेटर के संग 70 बिस्तर के एडवांस आईसीयू सेटअप तैयार करे गेहे। जेखर ले जिला के आसपास के गंभीर मरीज मन ल बेहतर इलाज सुविधा मिलही । ए अस्पताल म एडवांस कैथ लैब घलो स्थापित करे गेहे ताकि दिल की बीमारी ले जुड़े मरीज मन ल बेहतर इलाज मिल सके।
बालाजी सुपर स्पेशलिटी अस्पताल म एक्मो मशीन के संग रेस्पिरेटरी विभाग, आधुनिक डायलिसिस मशीन, नेफ्रोलॉजी विभाग, एडवांस गैस्ट्रो विभाग, न्यूरोलॉजी अउ यूरोलॉजी विभाग सहित शुगर जांच के पर्याप्त सुविधा उपलब्ध हे ।
ए अवसर म स्कूल शिक्षा मंत्री प्रेमसाय सिंह टेकाम, खाद्य मंत्री अमरजीत भगत, खेल अउ उच्च शिक्षा विभाग के मंत्री उमेश पटेल, पूर्व सांसद नंदकुमार साय, रायगढ़ विधायक प्रकाश नायक, सक्ती विधायक राम कुमार यादव, रायगढ़ नगर निगम महापौर जानकी काटजू मौजूद रिहीन ।
