Raipur : सीएम भूपेश बघेल ह रईपुर म मल्टी लेवल पार्किंग के करीन लोकार्पण

जय जोहार…. (Raipur) मुख्यमंत्री भूपेश बघेल ह पूर्व प्रधानमंत्री स्व. राजीव गांधी के जयंती म रईपुर के कलेक्टोरेट परिसर के तीर मल्टीलेवल पार्किंग के लोकार्पण करीन। रईपुर सहर म यातायात ल सु-व्यवस्थित करे ल रईपुर स्मार्ट सिटी लिमिटेड ह सहर के दुसरइया मल्टीलेवल पार्किंग तैयार करे हे, जेमा 450 चार पहिया अउ 200 दोपहिया वाहन के पार्किंग व्यवस्था हे।

ए अवसर म कृषि मंत्री अउ (Raipur) रईपुर जिला के प्रभारी मंत्री रविंद्र चौबे, नगरीय प्रसासन मंत्री डॉ शिवकुमार डहरिया, वन मंत्री मोहम्मद अकबर, उद्योग मंत्री कवासी लखमा, महिला अउ बाल विकास मंत्री अनिला भेंड़िया, राज्यसभा सांसद छाया वर्मा, नगर निगम रईपुर के महापौर एजाज ढेबर, संसदीय सचिव विकास उपाध्याय, छत्तीसगढ़ गृह निर्माण मण्डल के अध्यक्ष कुलदीप जुनेजा, सभापति श्री प्रमोद दुबे उपस्थित रिहीन ।