chhattisgarh : सीएम भूपेश बघेल ह करीन कुम्हारी म नवीन सासकीय महाविद्यालय के सुभारंभ, पढ़व

जय जोहार…. (chhattisgarh) मुख्यमंत्री भूपेश बघेल ह आज अपन निवास कार्यालय म आयोजित वर्चुअल कारीकरम ले दुर्ग जिला के कुम्हारी म नवीन सासकीय महाविद्यालय के सुभारंभ करीन। मुख्यमंत्री बघेल ह किहीन कि ए नवीन महाविद्यालय के खुले ले कुम्हारी समेत आस-पास के इलाका के युवा मन बर अब उच्च सिक्षा हासिल करे बर दुर्ग-भिलाई, अहिरवारा अउ रईपुर जाय के जरूरत नई होही । ए महाविद्यालय म कला, विज्ञान, वाणिज्य संकाय के अध्ययन-अध्यापन के सुविधा सहजता ले सुलभ होही।

(chhattisgarh ) दुर्ग जिला के प्रभारी मंत्री अउ वन मंत्री मोहम्मद अकबर ह किहीन कि मुख्यमंत्री भूपेश बघेल के नेतृत्व म छत्तीसगढ़ ह समग्र विकास के डहार तेजी ले बाढ़त हे। वो हा किहीन कि राज्य म गरीब परिवार के लइका मन ल अंग्रेजी माध्यम म मुफत सिक्षा उपलब्ध कराय बर मुख्यमंत्री भूपेश बघेल के पहल म 172 स्वामी आत्मानंद अंग्रेजी माध्यम स्कूल खोले गेहे ।

ए अवसर म मुख्यमंत्री निवास कार्यालय म कृषि अउ जल संसाधन मंत्री रविन्द्र चौबे, (chhattisgarh ) वनमंत्री मोहम्मद अकबर, स्कूल शिक्षा मंत्री डॉ. प्रेमसाय सिंह टेकाम, महिला अउ बाल विकास मंत्री श्रीमती अनिला भेंड़िया, खाद्य मंत्री अमरजीत भगत, छत्तीसगढ़ खनिज विकास निगम के अध्यक्ष गिरीश देवांगन उपस्थित रिहीन।