CM Bhupesh Baghel ह करीन माता कौशल्या धाम चंदखुरी म वॉटर, लेजर, लाईट अउ साउंड के लोकार्पण
लेजर साउंड शो ले श्रद्धालू ह जानही माता कौशल्या के जीवनी
जय जोहार। सीएम भूपेश बघेल (CM Bhupesh Baghel) ह राम वनगमन पर्यटन परिपथ के अंतर्गत चंदखुरी के कौशल्या धाम परिसर म माता कौशल्या महोत्सव के पहिले 9 करोड़ 88 लाख रुपिया के लागत ले तैयार वॉटर, लेजर, लाईट अउ साऊण्ड शो के शुभारंभ करीन। लोकार्पण के बाद मुख्यमंत्री ह स्वयं दर्शक दीर्घा म पहुंचके लेजर साउंड शो के लुत्फ उठाइन।
रायपुर के चंदखुरी म स्थित माता कौशल्या धाम म 22 से 24 अप्रेल तक तीन दिवसीय महोत्सव के आयोजन करे गीन । समारोह के आखिरी दिन लेजर साउंड शो के सुरू होए ले श्रद्धालु ल एक ठन नए रोमांच के अनुभव देखे ल मिलीन । माता कौशल्या धाम म वाटर, लाईट,लेजर एंड साउंड शो के माध्यम ले श्रद्धालु ह भगवान श्री राम के वनवास अउ वन गमन पथ के कहानी सुन अउ देख सकही । ए शो म माता कौशल्या के जीवन चरित्र के विवरण प्रस्तुत करे जाही , जिला तीनठन चरण म प्रस्तुत करे जावत हे ।
पहला चरण 10 मिनट के हे । एमा माता कौशल्या धाम चंदखुरी ल आधार बनाके माता कौशल्या के जन्म ले लेके विवाह अउ पुत्र जन्म तक के फिल्मांकन करे गेहे । दूसर चरण 15 मिनट के हे । एमा राम वनगमन पर्यटन परिपथ के अंतर्गत वर्तमान म चिन्हांकित 10 स्थल के प्राचीन महत्व म आधारित फिलिम के निर्माण करे गेहे । तीसर चरण म पर्यटक ल छत्तीसगढ़ के कला, संस्कृति, खान-पान, जनजातीय जीवन शैली अउ विकास ले संबंधित जानकारी मूलक फिलिम के निर्माण करे गेहे । ए चरण के अवधि लगभग 15 मिनट के हे ।
ए तीन चरण के आलावा लगभग 10 मिनट के अवधि के म्यूजिकल फाउण्टेन के घलो प्रोग्रामिंग करे गेहे , एमा छत्तीसगढ़ के राज्य गीत के आलावा छत्तीसगढ़ के लोकशैली म आधारित म्यूजिक, बॉलीवुड / देशभक्ति गाना ल सामिल करे गेहे।
