जय जोहार। कांकेर जिला के ग्राम करप म मुख्यमंत्री भूपेश बघेल (CM Bhupesh Baghel ) ह आज 12 झन दिव्यांग ल व्हीलचेयर, ट्राई साइकिल अउ श्रवण यंत्र प्रदाय करीन । ए दउरान चिरायु योजना ले लाभान्वित लईका मन ह मुख्यमंत्री श्री बघेल ल गुलाब के फूल ल भेंटकर धन्यवाद दीन । मुख्यमंत्री ह घलो लईका मन के स्वस्थ जीवन बर सुभकामना दीन। चिरायु योजना के माध्यम ले 4 लईका मन ल जन्मजात हृदय रोग अउ 1 लईका ल मोतियाबिंद के बीमारी ले निजात मिले हे ।
ए अवसर म मुख्यमंत्री श्री बघेल ह श्रम विभाग के अंतर्गत संचालित मेधावी छात्र-छात्रा शिक्षा प्रोत्साहन योजना, मुख्यमंत्री निर्माण श्रमिक मृत्यु अउ दिव्यांग सहायता योजना, मिनीमाता महतारी जतन योजना अउ मुख्यमंत्री नोनी सशक्तिकरण सहायता योजना के 13 हितग्राही ल चेक प्रदाय घलो करीन ।
Other Articles
Next
Previews
