CM Bhupesh Baghel ह जिला सहकारी केंद्रीय बैंक मर्यादित दुर्ग के नवा बछर कैलेंडर के करीन विमोचन

जय जोहार। सीएम भूपेश बघेल (CM Bhupesh Baghel) ह आज अपन निवास कार्यालय म जिला सहकारी केंद्रीय बैंक मर्यादित दुर्ग के बछर 2023 के कैलेंडर के विमोचन करीन । ए कलैंडर म सरकारी योजना के माध्यम ले हितग्राही मन ल मिलइया रासि के बैंक के माध्यम ले करे जवइया भुगतान, किसान मन ल दे जवइया ऋण, धान खरीदी के भुगतान सहित बैंक डहार ले दे जवइया अन्य सुविधा ल घलो प्रदर्शित करे गेहे । मुख्यमंत्री ह कलैंडर के प्रकाशन बर बैंक के कर्मचारी अउ एखर ले जुड़े अन्य सदस्य मन ल बधाई दीन हे।

ए अवसर म जिला सहकारी केंद्रीय बैंक मर्यादित, दुर्ग के अध्यक्ष राजेंद्र साहू, सीईओ अपेक्षा व्यास, उद्धव वर्मा, छोटेलाल यादव अउ राकेश सिन्हा मौजूद रिहीन ।