Rajiv Gandhi जयंती म सीएम भूपेश बघेल ह करिन नमन

जय जोहार…. सीएम भूपेश बघेल ह देश के पूर्व प्रधानमंत्री स्व. राजीव गांधी (Rajiv Gandhi) के जयंती म ओला याद करत हुये नमन करे हे।

सीएम बघेल ह ओखर जयंती के पूर्व संध्या म आज जारी अपन संदेस म कहिन कि राजीव गांधी ह भारत के सबले युवा प्रधानमंत्री (Rajiv Gandhi) के रूप म बागडोर ल संभालिस। वो ह अपन कार्य ले 21वीं सदी के आधुनिक भारत के नींव रखे हे।

सीएम बघेल ह कहिन कि राजीव गांधी (Rajiv Gandhi) ह सत्ता के विक्रेन्द्रीयकरण के उद्देश्य ले देश म पंचायती राज संस्था अउ नगरीय निकाय ल अधिकार संपन्न बनाय के महत्वपूर्ण कार्य करे हे। वो हा देश म कंप्यूटर अउ सूचना क्रांति के नींव रखे हे,

जेखर जरिये शासकीय कामकाज म पारदर्शिता अउ ई-प्रशासन के माध्यम ले आम जनता तक शासकीय योजना के आसान पहुंच ह सुनिश्चित होइस। वो हा लोकतांत्रिक प्रक्रिया म युवा मन के भागीदारी ल सुनिश्चित करे बर युवा मन ल 18 साल म मतदान के अधिकार दिलाये हे।