CM Bhupesh Baghel ह आज राजधानी म कई ठीन कार्यक्रम म होही सामिल
जय जोहार। सीएम भूपेश बघेल (CM Bhupesh Baghel) ह 19 अगस्त के राजधानी म होवइया कृष्ण जन्माष्टमी सांस्कृतिक कार्यक्रम समेत आने आने कार्यक्रम म सामिल होही । सीएम ह कृष्ण जन्माष्टमी के पावन अवसर म तेलीबांधा म ‘कृष्ण कुंज, मोतीबाग म रायपुर स्मार्ट सिटी अंतर्गत स्मार्ट रीडिंग रूम के भूमिपूजन अउ मोतीबाग म प्रेस क्लब का कार्यक्रम समेत गुढ़ियारी म दही हांडी प्रतियोगिता म हिस्सा लेही ।
तय कार्यक्रम के तहत सीएम भूपेश बघेल (CM Bhupesh Baghel) ह आज मंझनिया 12 बजे मुख्यमंत्री निवास रायपुर ले प्रस्थान कर तेलीबांधा पहुंचेही, इहां कृष्ण जन्माष्टमी सांस्कृति कार्यक्रम म सामिल होके कृष्ण कुंज के भूमिपूजन करही । एखर बाद सीएम ह तेलीबांधा ले प्रस्थान कर 1 बजे मोतीबाग पहुंचही अउ रायपुर स्मार्ट सिटी लिमिटेड अंतर्गत स्मार्ट रीडिंग रूम के भूमिपूजन करही ।
मुख्यमंत्री ह ए दउरान मोतीबाग म ही 1.15 बजे ले 2.15 बजे तक प्रेस क्लब के कार्यक्रम म सामिल होही । सीएम भूपेश बघेल (CM Bhupesh Baghel) ह संझा 6 बजे राजधानी के श्रीनगर रोड, गुढ़ियारी म आयोजित दही हांडी प्रतियोगिता के कार्यक्रम म भाग लेही । एखर बाद सीएम ह संझा 7 बजे गुढ़ियारी ले मुख्यमंत्री निवास रायपुर बर प्रस्थान करही ।
