सीएम भूपेश बघेल काली आही अमेरिका ले, फेर जाही बेंगलुरू

जय जोहार रायपुर….मुख्यमंत्री भूपेश बघेल ह अमेरिका के दस दिन के प्रवास ले 21 फरवरी के नई दिल्ली लहुटही। एखर बाद दोपहर 1.55 बजे नई दिल्ली के इंदिरा गांधी अंतर्राष्ट्रीय एयरपोर्ट ले बेंगलुरू जाही। मुख्यमंत्री बेंगलुरू म रात्रि विश्राम करही। मुख्यमंत्री भूपेश बघेल ह 22 फरवरी के बिहिनिया 11 बजे बेंगलुरू के आईटीसी गार्डेनिया कैंपस म आयोजित द हिन्दू हडल 2020 कार्यक्रम म शामिल होही। मुख्यमंत्री ह दोपहर 12.45 बजे बेंगलुरू ले रवाना होही अऊ दोपहर 3.45 बजे सरगुजा जिला मुख्यालय अंबिकापुर के दरिमा एयरस्ट्रीप पहुंचही। वो हा शाम चार बजे अंबिकापुर स्थित सरगुजा पैलेस म स्थानीय कार्यक्रम म शामिल होही। एखर बाद शाम छह बजे विमान ले स्वामी विवेकानंद एयरपोर्ट रायपुर लहुटही।