Independence day : सीएम भूपेश बघेल ह रईपुर म करही ध्वजारोहण, पढ़व
जय जोहार…. (Independence day ) प्रदेस म 15 अगस्त के स्वतंत्रता दिवस गरिमा अउ उत्साह के संग मनाए जाहि। मुख्यमंत्री भूपेश बघेल ह राजधानी रईपुर के पुलिस परेड ग्राऊण्ड म आयोजित मुख्य समारोह म ध्वजारोहण करही।
स्वतंत्रता दिवस के अवसर म विधानसभा अध्यक्ष डॉ. चरणदास महंत ह कोरिया जिला मुख्यालय अउ उपाध्यक्ष मनोज सिंह मण्डावी कोण्डागांव जिला मुख्यालय म आयोजित मुख्य समारोह में ध्वजारोहण करही।
आन जिला मुख्यालयों म मंत्री और संसदीय सचिव मन ह राष्ट्रीय ध्वज फहराही अउ मुख्यमंत्री के प्रदेस के जनता के नाव संदेस के वाचन करही। राज्य सासन के सामान्य प्रसासन विभाग डहार ले प्रदेस के जिला मुख्यालय में ध्वजारोहण बर मुख्य अतिथि मन के सूची ल जारी कर दे गे हे।
गृह अउ लोक निर्माण मंत्री ताम्रध्वज साहू महासमुंद म, पंचायत अउ ग्रामीण विकास मंत्री टी.एस. सिंहदेव कबीरधाम म, कृषि अउ जल संसाधन मंत्री रविन्द्र चौबे रायगढ़ म, वन अउ परिवहन मंत्री मोहम्मद अकबर दुर्ग म, स्कूल शिक्षा मंत्री डॉ. प्रेमसाय सिंह टेकाम कोरबा म, उद्योग मंत्री कवासी लखमा बस्तर म राष्ट्रीय ध्वज फहराही।
नगरीय प्रशासन मंत्री डॉ. शिवकुमार डहरिया सरगुजा म, खाद्य मंत्री अमरजीत भगत राजनांदगांव म, उच्च शिक्षा मंत्री उमेश पटेल बलौदाबाजार-भाटापारा म, राजस्व मंत्री जयसिंह अग्रवाल बिलासपुर म, लोक स्वास्थ्य यांत्रिकी मंत्री गुरू रूद्रकुमार मुंगेली म, महिला अउ बाल विकास मंत्री श्रीमती अनिला भेंड़िया कांकेर जिला मुख्यालय म आयोजित स्वतंत्रता दिवस (Independence day ) समारोह म ध्वजारोहण करे के बाद मुख्यमंत्री के प्रदेस के जनता के नाव संदेस के वाचन करही ।
अइसने संसदीय सचिव यू.डी. मिंज बलरामपुर म, विकास उपाध्याय बेमेतरा म, रेखचंद जैन सुकमा म, इन्द्रशाह मंडावी दंतेवाड़ा म, विनोद सेवनलाल चन्द्राकर धमतरी म, चिन्तामणि महाराज जशपुर म, द्वारिकाधीश यादव गरियाबंद म, शिशुपाल सोरी बीजापुर म, पारसनाथ राजवाड़े गौरेला-पेण्ड्रा-मरवाही म, शकुंतला साहू सूरजपुर म, गुरूदयाल सिंह बंजारे नारायणपुर म, डॉ. श्रीमती रश्मि आशीष सिंह बालोद म, चन्द्रदेव प्रसाद राय जांजगीर-चांपा जिला मुख्यालय म आयोजित 15 अगस्त स्वतंत्रता दिवस (Independence day ) कारीकरम म ध्वजारोहण करे के बाद मुख्यमंत्री के प्रदेस के जनता के नाव संदेस के वाचन करही ।
