CM Bhupesh Baghel ह काली नगरीय निकाय के महापौर अउ अध्यक्ष ले करही सीधा संवाद

जय जोहार । सीएम भूपेश बघेल (CM Bhupesh Baghe) ह बुधवार के मंझनिया दोपहर 12 बजे राजधानी रायपुर के होटल बेबीलोन इन्टरनेसनल म आयोजित ‘गौरव समागम 2023, अर्बन प्राइड अवार्डस’ कार्यक्रम म मुख्य अतिथि के रूप में सामिल होही । नगरीय प्रसासन विभाग डहार ले नगरीय निकाय के महापौर अउ अध्यक्ष बर आयोजित ए प्रबोधन कार्यक्रम अउ फ्लैगसिप योजना के क्रियान्वयन बर उत्कृष्ट करइया नगरीय निकाय के सम्मान समारोह म नगरीय प्रसासन अउ विकास मंत्री डॉ. शिव कुमार डहरिया ह विसिष्ट अतिथि के रूप म उपस्थित रही।

सीएम भूपेश बघेल (CM Bhupesh Baghe) ह कार्यक्रम म नगर निगम के महापौर, नगर पालिका परिसद अउ नगर पंचायत के अध्यक्ष ले सीधा संवाद करही अउ विभागीय योजना के उत्कृष्ट क्रियान्वयन बर नगरीय निकाय ल पुरस्कृत करही । सीएम श्री बघेल ह कार्यक्रम के दउरान नगरीय प्रसासन अउ विकास विभाग के 4 बछर के उपलब्धि म आधारित वीडियो अउ विभागीय उपलब्धि म आधारित कॉफी टेबल बुक के विमोचन घलो करही । ए कार्यक्रम म मुख्यमंत्री श्री बघेल ह भारत सरकार डहार ले डंडियन अर्बन हाउसिंग कान्क्लेव राजकोट म घोसित छत्तीसगढ़ के तीन हितग्राही मन ल सम्मानित करही ।

ए कार्यक्रम म विभागीय अधिकारी डहार ले सासन के महत्वाकांक्षी योजना के संक्षिप्त जानकारी दे जाही। संगेसंग विभागीय योजना मुख्यमंत्री स्लम स्वास्थ्य योजना, श्री धनवंतरी जेनेरिक मेडिकल स्टोर्स योजना, स्वच्छ भारत मिशन, सबके बर आवास मिसन, सहरी आजीविका मिशन अउ संपति कर संग्रहण म उत्कृष्ट प्रदर्सन करइया निकाय ल मुख्यमंत्री श्री बघेल डहार ले पुरस्कृत करे जाही ।