जय जोहार। सीएम भूपेश बघेल (CM Bhupesh Baghel) ह 22 अप्रैल के माता कौशल्या महोत्सव के उद्घाटन करही । कौशल्या महोत्सव 22 अप्रैल ले 24 अप्रैल तक आरंग विधानसभा क्षेत्र के चंदखुरी म आयोजित होही । महोत्सव के सुभारंभ कार्यक्रम के अध्यक्षता ल संस्कृति मंत्री अमरजीत भगत ह करही । ए कार्यक्रम म विशिष्ट अतिथि पर्यटन मंत्री ताम्रध्वज साहू, कृषि मंत्री अउ रायपुर जिला के प्रभारी मंत्री रविन्द्र चौबे, नगरीय प्रसासन मंत्री डॉ. शिवकुमार डहरिया होही ।
उल्लेखनीय हे कि राज्य सरकार ह प्रदेस के कला, संस्कृति अउ पर्यटन ल बढ़ावा दे ल सतत् परयास के अंतर्गत अउ माता कौशल्या जन्मभूमि के वैभव ल विश्व पटल म स्थापित करे अउ महिला ससक्तिकरण, कार्यसील कलाकार के संरक्षण, संवर्धन अउ कला दल के सतत् विकास बर मुख्यमंत्री भूपेश बघेल ह विधानसभा म राष्ट्रीय स्तर म माता कौशल्या महोत्सव मनाए के घोसना करे रिहीस ।
महोत्सव के पहिला दिन सांस्कृतिक प्रस्तुति म माधुरी महिला मानस मंडली गरियाबंद, पुष्पांजलि सिन्हा, राम के शक्ति पूजा वाराणसी व्योमेश शुक्ला, भक्तिमय गीत-संगीत भजन मुम्बई अउ कविता पौडवाल डहार ले प्रस्तुत करे जाही ।
Other Articles
CM Bhupesh Baghel ह सिविल सेवा दिवस के दीन सुभकामना
