Chhattisgarh: सीएम भूपेश बघेल ह आज करही सीजी टीका एप लान्च, 18 बच्छर ले उपर उमर के मनखे मन ल मिलही लंबा लाइन लगे ले छुटकारा
जय जोहार…. (Chhattisgarh) प्रदेश म अब 18 बच्छर ले उपर उमर के मनखे मन ल टीकाकरण म सेंटर म पंजीयन बर मारामारी के स्थिति पैदा नई होही। स्वास्थ्य विभाग ह आज संझा 5 बजे सीजी टीका एप लॉन्च करत हे। एखर बाद मनखे मन ल होवत असुविधा ले छुटकारा मिल जाही।
बता देन कि (Chhattisgarh) बीते हफ्ता ले रोजाना टीकाकरण बर सेंटर म युवा मन के भीड़ उमड़त हे। बिहनिया आठ बजे ले रजिस्ट्रेशन सुरू होवत हे, लेकिन मनखे मन ह पांच बजे ले लाइन म खड़े हो जावत हे अउ लाइन ह रद्दा तक पहुंच जावत हे। उहचे लक्ष्य के सेती मनखे मन ल वैक्सीन घलो नई लग पावत हे। लाइन म लगे के बाद घलो टीकाकरण नई होय ले मनखे मन ल निराश लहुटना पड़त हे।
बता देन कि (Chhattisgarh) कोविन पोर्टल 18 ले उपर उमर के मनखे मन बर आनलाइन रजिस्ट्रेशन के विकलप नई होय के सेती मनखे मन ल परेसानी होवत रिहिन। जेखर सेती मनखे ह आफलाइन टीका लगवात हे। उहचे मनखे मन ल असुविधा होय ले अब राज्य सरकार ह सीजी एप लावत हे।
