CM Bhupesh Baghel ह काली सरायपाली विधानसभा क्षेत्र म करही भेंट मुलाकात, 28 करोड़ के विकास काम के करही लोकार्पण अउ भूमिपूजन

जय जोहार। सीएम भूपेश बघेल (CM Bhupesh Baghel) अपन प्रदेस व्यापी भेंट-मुलाकात कार्यक्रम के अवइया कड़ी म 7 दिसम्बर के महासमुंद जिला के सरायपाली विधासनसभा क्षेत्र म भेंट मुलाकात करही । ए दउरान सीएम भूपेश बघेल ह सरायपाली के ग्राम बलौदा अउ बसना के ग्राम भंवरपुर म आम जनता ले भेंट मुलाकात करही अउ राज्य सासन के योजना के क्रियान्वयन के घलो जानकारी लेही। मुख्यमंत्री ह सरायपली रेस्ट हाऊस म विश्राम करही । दूसरइया दिन 8 दिसम्बर के जिला अधिकारी मन के समीक्षा बइठक लेही।

ए दउरान सीएम भूपेश बघेल ((CM Bhupesh Baghel) ) ह सरायपाली विधानसभा क्षेत्र म 28 करोड़ 65 लाख 05 हजार रुपिया के विकास काम के लोकार्पण अउ भूमिपूजन करही । जेमा 23 करोड़ 62 लाख 94 हजार रुपिया के 29 काम के भूमिपूजन अउ 5 करोड़ दो लाख 11 हजार रुपिया के 15 काम के लोकार्पण करही ।

भूमिपूजन म नवा सड़क निर्माण, पुल-पुलिया, नवा विश्राम गृह निर्माण अउ महाविद्यालय म अतिरिक्त कक्ष निर्माण आदि काम सामिल हे । लोकार्पण काम म स्कूल म आहता निर्माण, रंगमंच निर्माण, सी.सी. रोड, सामुदायिक भवन, तालाब म पचरी निर्माण, सामुदायिक भवन निर्माण आदि सामिल हे । एखर संग मुख्यमंत्री ह हितग्राही मन ल सामग्री के घलो वितरण करही ।