जय जोहार…. (chhattisgarh) सीएम भूपेश बघेल ह पीएम नरेंद्र मोदी ल पत्र लिखे हे। एमा सीएम बघेल ह छत्तीसगढ़ प्रदेस ल जुलाई महीना म टीका के 1 करोड़ डोज उपलब्ध कराए जाय के आग्रह करे हे। वो हा पीएम मोदी ल अवगत कराइन कि प्रदेस म वर्तमान म कोरोना वैक्सीन के सिरिफ 9,98,810 डोज ह बाकी बचे हे, जेन सिरिफ 3 दिन बर ही हे।
राज्य डहार ले घेरी बेरी मांग करे जाय म घलो प्रदेस ल पर्याप्त टीका उपलब्ध नई कराए जात हे। सीएम बघेल ह पीएम मोदी ले प्रदेस ल कोरोना टीका उपलब्ध कराए जाय के संबंध म केन्द्रीय स्वास्थ्य मंत्रालय ल तत्काल निर्देसित करे के घलो अनुरोध करे हे।
सीएम बघेल ह पत्र म लिखे हे कि प्रदेस (chhattisgarh) म कोविड 19 के विरुद्ध टीकाकरण के काम ह जोरहा चलत हे। प्रदेस म अब तक फ्रंटलाइन वर्कर ल 100 प्रतिसत पहला डोज अउ हेल्थ केयर वर्कर ल 91 प्रतिसत पहला डोज लग चुके हे।
एमा ले 71 प्रतिसत फंटलाइन वर्कर ल अउ 70 प्रतिसत हेल्थ केयर वर्कर ल दुसरइया डोज घलो लगाये जा चुके हे। (chhattisgarh) प्रदेस म अइसने 45 बछर ले ऊपर के उमर वर्ग म घलो अब तक 80 प्रतिशत मनखे मन ल वैक्सीन के पहला डोज लगाये जा चुके हे ।
