cm Bhupesh Baghel ह केंद्रीय वित्तमंत्री निर्मला सीतारमण ल लिखे हे पत्र, करिन ये अनुरोध
जय जोहार…. सीएम भूपेश बघेल (cm Bhupesh Baghel) ह केंद्रीय वित्त मंत्री निर्मला सीतारमण ल पत्र लिखे हे। एमा प्रदेश म वर्तमान म 9 अप्रैल ले 6 मई के बिहनिया तक कंटेनमेंट जोन घोसित होय के सेती राज्य के लघु अउ मध्यम व्यवसायी मन के परेसानी ल देखत हुये ओ मन ल वांछित राहत प्रदान करे के अनुरोध करे हे।
सीएम भूपेश बघेल (cm Bhupesh Baghel) ह छत्तीसगढ़ चैम्बर ऑफ कामर्स एण्ड इण्डट्रीज के अनुरोध म केंद्र सरकार ले मांग करे हे कि व्यवसायी मन के तरफ ले अलग-अलग प्रकार के विरण ल प्रस्तुत कर अप्रैल अउ मई माह के तारीख ल दू महीना बर बढ़ाये जाये। संगेसंग व्यवसाय संचालन बर ले गे ऋण के मूलधन अउ ब्याज के किस्त भुगतान के बेरा ल 3 माह के स्थगन अवधि प्रदान करे म विचार करे जाए।
सीएम भूपेश बघेल (cm Bhupesh Baghel) ह पत्र म लिखे हे कि कोविड 19 के दूसरइया लहर ल रोके बर छत्तीसगढ़ के राजधानी रायपुर समेत लगभग सबो जिला म 9 अप्रैल ले 6 मई के बिहनिया तक पूरा कंटेनमेंट जोन घोसित करे गे हे। जेखर सेता राज्य म आर्थिक गतिविधि अउ व्यापार-व्यवसाय ह बंद हे। एखर ले राज्य म लघु अउ मध्यम श्रेणी के व्यवसायी मन के समक्ष आर्थिक संकट उत्पन्न हो गे हे। छत्तीसगढ़ चैम्बर ऑफ कॉमर्स एंड इंडस्ट्रीज ह ए आर्थिक परेसानी म ओखर सहायता के उद्देश्य ले कुछु फौरी राहत के मांग करे हे।
