जय जोहार…. सीएम (cm) भूपेश बघेल ह केन्द्रीय नागरिक उड्यन राज्यमंत्री (स्वतंत्र प्रभार) हरदीप सिंह पुरी ल पत्र लिखे हे। ए पत्र म हैदराबाद-जगदलपुर-रायपुर उड़ान सेवा ल सुरु करे जाए अऊ एखर बर छत्तीसगढ़ के जगदलपुर ल महत्वपूर्ण सेन्टर के रूप म मान्य करे बर धन्यवाद ज्ञापित करे हे।
सीएम (cm) बघेल ह अपन लिखे पत्र म छत्तीसगढ़ के न्यायधानी अऊ महत्वपूर्ण व्यावसायिक-औद्योगिक शहर बिलासपुर ल हवाई सेवा ले देश के मेट्रोपोलियन सिटी दिल्ली, मुंबई अऊ कोलकाता हवाई रूट ले जोड़े के आग्रह करे हे।
सीएम (cm) बघेल ह अपन पत्र म लिखे हे कि बिलासपुर ह छत्तीसगढ़ राज्य के उत्तरी क्षेत्र के प्रमुख वाणिज्यिक अऊ व्यावसायिक केन्द्र हे। बिलासपुर राज्य के उत्तरी जिला ल जोड़त हे। इहंा साउथ ईस्टर्न कोल फील्ड लिमिटेड के मुख्यालय अऊ साउथ ईस्ट सेन्ट्रल रेलवे के जाने मुख्यालय अऊ बिलासपुर रेलवे डिवीजन के आलावा यह देश म विद्युत उत्पादन के महत्वपूर्ण केंद्र म ले एक हे।
