cm भूपेश बघेल ह केंद्रीय मंत्री पीयूष गोयल ल लिखे हे पत्र, करिन ये अनुरोध
जय जोहार…. सीएम भूपेश बघेल ह केंद्रीय खाद्य अऊ सार्वजनिक वितरण मंत्री पीयूष गोयल ल पत्र लिखे हे। ए पत्र म सीएम बघेल ह राज्य के किसान मन के हित म सहानुभूतिपूर्वक विचार करत हुये खरीफ विपणन साल 2020-21 म राज्य के पीडीएस के आवश्यकता ले अतिरिक्त सबो सरप्लस धान के चावल ल केंद्रीय पूल अंतर्गत उपार्जन करे जाय बार भारतीय खाद्य निगम म 24 लाख मैट्रिक टन चावल के अनुमति के मात्रा ल वृद्धि कर 40 लाख मैट्रिक टन उपार्जित करे जाय के अनुमति जल्दी प्रदाय करे के अनुरोध करे हे।
(cm) सीएम बघेल ह अपन पत्र म लिखे हे कि छत्तीसगढ़ म खरीफ विपणन सीजन म किसोन मन ले न्यूनतम समर्थन मूल्य म धान के उपार्जन ल विकेंद्रीकृत उपार्जन योजना के अंतर्गत खाद्य विभाग भारत सरकार के संग हुये एमओयू के तहत करे जावत हे।
(cm) प्रदेश म खरीफ विपणन साल 2020-21 म 28 जनवरी 2021 के स्थिति म विकेंद्रीकृत उपार्जन योजना के अंतर्गत समर्थन मूल्य म 20.29 लाख मैट्रिक टन धान के उपार्जन करे जा चुके हे। धान खरीदी के कार्य ल 31 जनवरी 2021 तक करे जाही।
