Chhattisgarh: सीएम भूपेश बघेल ह केन्द्रीय रक्षा मंत्री राजनाथ सिंह ल लिखे हे पत्र, करिन ये अनुरोध

जय जोहार…. (Chhattisgarh) सीएम भूपेश बघेल ह केंद्रीय रक्षा मंत्री राजनाथ सिंह ल पत्र लिखे हे। ए पत्र सीएम बघेल ह बिलासपुर म थल सेना के लम्बित छावनी के जल्दी स्थापना करे के मांग करे हे।

सीएम बघेल ह केंद्रीय रक्षा मंत्री के धियान ल राज्य के विकास के दिशा म राज्य म सैन्य संस्थान के विकास के प्रयास के ओर आकर्षित करत हुये लिखे हे कि राज्य ह लगभग 1000 एकड़ भूमि रक्षा मंत्रालय ल बिलासपुर म थल सेा छावनी के स्थापना करे बर आबंटित करे हे। ए थल सेना छावनी के स्थापना के प्रक्रिया ह लम्बित हे।

(Chhattisgarh) सुरुआत म थल सेना छावनी के स्थापना बर एखर संग हवाई पट्टी के आवश्यकता ल बताय गे रिहिन। राज्य सरकार ह ए इलाका के विमानन आवश्यकता के दृष्टिगत हवाई पट्टी के विस्तार करा के आवश्यक प्रक्रिया पूरा कर ले हे। बिलासाबाई केवटीन हवाई अड्डा, बिलासपुर डीजीसीए के तरफ ले 3 सी वीएफअआर कैटेगरी म मान्यता प्राप्त हे। अब ये हवाई पट्टी सिविल एविएशन अऊ थल सेना के विमानन संबंदित आवश्यकता ल पूरा करे बर उपलब्ध हे।

(Chhattisgarh) सीएम बघेल ह पत्र म लिखे हे कि अवइया एक मार्च ले बिलासपुर ले व्यवसायिक यात्री सेवा सुरू होवत हे। राज्य सरकार ह चक्रभाठा, बिलासपुर म थल सेना छावनी के स्थापना बर उत्सुक हे। राज्य म आर्मी छावनी के स्थापना ले न केवल ए इलाका के समुचित विकास म गति आही, बल्की थल सेना सेवा के अवसर राज्य के युवा ल सरलता ले उपलब्ध होही।