आईटी छापा म सीएम भूपेश बघेल के तीखा तेवर, पीएम मोदी ल चिट्‌ठी लिख के केंद्रीय बल के इस्तेमाल ल बताइस असंवैधानिक

जय जोहार रायपुर…. प्रदेश म बीते चार दिन ले चलत आयकर विभाग के छापामारी ल लेके मुख्यमंत्री भूपेश बघेल ह प्रधानमंत्री नरेंद्र मोदी ल चिट्‌ठी लिख के अपन आपत्ति जताइस। मुख्यमंत्री ह छापा ल राजनीति ले प्रेरित बताए हे अऊ केंद्रीय बल के इस्तेमाल ल दुर्भाग्यपूर्ण अऊ अंसवैधानिक बतात एला कानूनी नजरिए ले भी गलत बताइस।

मुख्यमंत्री भूपेश बघेल ह पत्र म छत्तीसगढ़ म बीते चार दिन ले चलत छापा ल चौंकाए वाला घटना करार देत प्रधानमंत्री के ध्यान सहकारी संघवाद के ओर दिलाइस। मुख्यमंत्री ह कहिन कि भारत सरकार के एजेंसियों के ये कार्रवाई एक ओर राजनीतिक प्रतिशोध हे, त दूसर ओर हमर संघवाद के मूल बर खतरा हे।