जय जोहार…. मुख्यमंत्री भूपेश बघेल ह केन्द्रीय सड़क परिवहन अऊ राजमार्ग मंत्री नितिन गडकरी ल पत्र लिखे हे। एमा छत्तीसगढ़ राज्य म निर्माणाधीन राष्ट्रीय राजमार्ग म निर्माण कार्य के गति बढ़ाने अऊ अंबिकापुर-भैसामुड़ा-वा़ड्रफनगर-धनगांव-बम्हनी-रेनकुट अऊ रायगढ़-धरमजयगढ़ मार्ग ल राष्ट्रीय राजमार्ग घोसित करे के आग्रह करे हे। सीएम बघेल ह राष्ट्रीय राजमार्ग क्रमांक 149 बी चांपा-कोरबा-कटघोरा मार्ग के उन्नयन अऊ चौड़ीकरण कार्य के एनएचएआई ले शीघ्र स्वीकृति जारी करने अनुरोध घलो करे हे।
ए मार्ग के संबंध म सीएम बघेल ह लिखे हे कि ए मार्ग बर आप मन के तरफ ले स्वीकृति के आश्वासन दे गे रहिस। ए मार्ग छत्तीसगढ़ के औद्योगिक नगरी कोरबा ल जोड़त हे अऊ ए मार्ग म यातायात घनत्व ह बड़ अकन जियादा हे। मुख्यमंत्री ह एखर बर एनएचएआई ले शीघ्र स्वीकृति जारी कराय के अनुरोध करे हे।
सीएम बघेल ह अपन पत्र म लिखे हे कि राष्ट्रीय राजमार्ग क्रमांक 30 रायपुर ले धमतरी मार्ग के निर्माण कार्य ल एनएचएआई के माध्यम ले कराय जावत हे। कार्य ह लगभग दू वर्ष बंद रहने के बाद प्रारंभ करे गे हे, लेकिन कार्य के प्रगति ह धीमी हे। सीएम ने कार्य के प्रगति ल बढ़ाय बर एनएचएआई ल निर्देशित करे के आग्रह करे हे।
