Independence day : मुख्यमंत्री भूपेश बघेल रायपुर म, विधायक विनोद चंद्राकर ह गरियाबंद म करही ध्वजारोहण

जय जोहार…. स्वतंत्रता दिवस (Independence day) के अवसर म 15 अगस्त के राजधानी रायपुर के पुलिस परेड ग्राउंड म मुख्य समारोह के आयोजन करे जाही।

ए समारोह में सीएम भूपेश बघेल ह झंडा फहराही। राज्य सरकार के तरफ ले स्वतंत्रता दिवस के अवसर म जिला मुख्यालय म राष्ट्रीय ध्वज फहराय अउ सीएम के राज्य के जनता के नाम संदेश वाचन बर मंत्री अउ संसदीय सचिव मन ल नामांकित करे गे हे।

विधानसभा अध्यक्ष डॉ. चरणदास महंत कोरबा जिला मुख्यालय म आयोजित स्वतंत्रता दिवस मुख्य समारोह म ध्वजारोहण करही। जबकि गृहमंत्री ताम्रध्वज साहू महासमुंद म, स्वास्थ्य मंत्री टीएस सिंहदेव बलौदाबाजार म, कृषि मंत्री रविन्द्र चौबे दुर्ग म, वन मंत्री मोहम्मद अकबर राजनांदगांव म, महिला एवं बाल विकास मंत्री अनिला भेंड़िया रायगढ़ म, स्कूल शिक्षा मंत्री डॉ. प्रेमसाय सिंह टेकाम बस्तर म जिला मुख्यालय म आयोजित स्वतंत्रता दिवस (Independence day) समारोह म ध्वजारोहण के बाद मुख्यमंत्री के प्रदेश के जनता के नाम संदेश के वाचन करही।

अइसने आबकारी मंत्री कवासी लखमा धमतरी म, नगरीय प्रशासन मंत्री डॉ. शिवकुमार डहरिया सरगुजा म, खाद्य मंत्री अमरजीत भगत बालोद म, उच्च शिक्षा मंत्री उमेश पटेल बिलासपुर म, राजस्व मंत्री जयसिंह अग्रवाल गौरेला-पेण्ड्रा-मारवाही म अउ लोक स्वास्थ्य यांत्रिकी मंत्री गुरू रूद्रकुमार जांजगीर-चांपा जिला मुख्यालय म आयोजित स्वतंत्रता दिवस (Independence day) समारोह म ध्वजारोहण के बाद मुख्यमंत्री के प्रदेश के जनता के नाम संदेश के वाचन करही।

अइसने संसदीय सचिव यूडी मिंज बलरामपुर म, विकास उपाध्याय बेमेतरा म, रेखचंद जैन बीजापुर म, इन्द्रशाह मंडावी दंतेवाड़ा म, विनोद सेवनलाल चन्द्राकर गरियाबंद म, चिन्तामणि महाराज जशपुर म, द्वारिकाधीश यादव कबीरधाम म, कुंवर सिंह निषाद कांकेर म, शिशुपाल सोरी कोण्डागांव म, पारसनाथ राजवाड़े कोरिया म, शकुंतला साहू मुंगेली म, गुरूदयाल सिंह बंजारे नारायणपुर म, अम्बिका सिंहदेव सूरजपुर जिले म अउ चन्द्रदेव प्रसाद राय सुकमा जिला मुख्यालय म आयोजित स्वतंत्रता दिवस समारोह म ध्वजारोहण के बाद मुख्यमंत्री के प्रदेश के जनता के नाम संदेश के वाचन करही।