सीएम भूपेश ह करिन आटोमेटिक सेनेटाइजर वितरण मशीन के शुभारंभ

जय जोहार…. मुख्यमंत्री भूपेश बघेल आज इहां मुख्यमंत्री निवास कार्यालय म मेक इन छत्तीसगढ़ आटोमेटिक सेनिटाइजर निकलइया सेनेटाइजर मशीन के शुभारंभ करिन। आटोमेटिक सेनेटाइजर देवइया मशीन के नाम जीवराखन रखे गे हे। मुख्यमंत्री भूपेश बघेल ह ग्रीन वे इंडिया कंपनी के ए अविष्कार के प्रशंसा करत हुये ओ मन ल बधाई दिस।

ए दौरान विधायक विकास उपाध्याय ह कहिन कि मुख्यमंत्री भूपेश बघेल ले प्रेरणा ले ग्रीन वे इंडिया कंपनी ह मेक इन छ्त्तीसगढ़ माडल के सेनेटाइजर मशीन विकसित करे हे। छत्तीसगढ़ म घलो प्रतिभावान, छत्तीसगढ़ के नाम रोशन करइया अऊ इहां नवा अविष्कार करइया के कमी नई हे। मशीन का नाम घलो छ्त्तीसगढ़ म जीवराखन रखे गे हे। जेखर मतलब ह जीवन के रक्षा करइया हे।