मुख्यमंत्री भूपेश बघेल ह केन्द्रीय ऊर्जा मंत्री ल लिखिन पत्र, करिन ये आग्रह

जय जोहार…. मुख्यमंत्री भूपेश बघेल ह केन्द्रीय ऊर्जा मंत्री आरके सिंह ल पत्र लिखे हे। एमा छत्तीसगढ़ स्टेट पावर ड्रिस्ट्रीब्यूशन कंपनी के तेलंगाना राज्य म बकाया दू हजार करोड़ रूपिया के देयक भुगतान के कार्रवाई बर सीएसपीडीसीएल ल स्वतंत्र विद्युत इकाई मान्य करे के आग्रह करे हे।

छत्तीसगढ़ म स्टेट सेक्टर के अंतर्गत स्थापित 1000 मेगावाट क्षमता के अटल बिहारी ताप विद्युत परियोजना ले विद्युत आपूर्ति बर सीएसपीडीसीएल अऊ तेलंगाना राज्य के पावर कंपनी के मध्य 22 सितंबर 2015 के दीर्घकालीन पीपीए निष्पादित करे गे हे। जेखर खाती तेलंगाना राज्य ल सरलघा विद्युत आपूर्ति ल करे जावत हे। सीएम बघेल ह केन्द्रीय मंत्री ल अवगत कराय हे कि सीएसपीडीसीएल के 31 मार्च 2020 के स्थिति म 2 हजार करोड़ रूपिया ले जियादा के विद्युत देयक तेलंगाना राज्य के पावर कंपनी म बकाया हे।