chhattisgarh : सीएम ह कलमा बैराज ले प्रभावित किसान मन ल 22.78 करोड़ रुपिया के मुआवजा रासि ल करीन वितरण

जय जोहार….(chhattisgarh) मुख्यमंत्री भूपेश बघेल ह कलमा बैराज ले प्रभावित जांजगीर-चांपा जिला के चन्द्रपुर इलाका के 314 किसान मन ल भू-अर्जन मुआवजा के रूप म 22.78 करोड़ रूपया के रासि के चेक ल वितरण करीन। ए मुआवजा वितरण के वर्चुअल कारीकरम ह आज मुख्यमंत्री निवास कार्यालय म आयोजित होइस हे।

ए कारीकरम म जलसंसाधन मंत्री रविन्द्र चौबे, स्कूल शिक्षा मंत्री डॉ. प्रेमसाय सिंह टेकाम, मुख्य सचिव अमिताभ जैन, (chhattisgarh) मुख्यमंत्री के अपर मुख्य सचिव सुब्रत साहू उपस्थित रिहीन। विधानसभा अध्यक्ष डॉ. चरणदास महंत, राजस्व अउ आपदा प्रबंधन मंत्री जयसिंह अग्रवाल, संसदीय सचिव विनोद सेवन लाल चन्द्राकर, विधायक रामकुमार यादव समेत आन जनप्रतिनिधि ए कारीकरम म वीडियो कॉन्फ्रेंसिंग ले सामिल होइन हे।

मुख्यमंत्री भूपेश बघेल ह किहीन कि कलमा बैराज के निर्माण ल जांजगीर-चांपा जिला के ग्राम कलमा अउ रायगढ़ जिला के ग्राम बरगांव के मध्य महानदी म 377.42 करोड़ रूपया के लागत ले कराय गे हे। (chhattisgarh) ऐखर निर्माण काम ल फरवरी 2011 म सुरु करे गे रिहीन अउ मार्च 2016 म ये बैराज ह बन के तैयार होय है। एखर निर्माण काम ले जांजगीर-चांपा जिला के 13 गांव के 682 किसान मन के 97.89 हेक्टेयर भूमि प्रभावित होय रिहिन ।