जय जोहार…. सीएम (cm) भूपेश बघेल ह आज ले बिलासपुर संभाग के दौरा म रही। सीएम बघेल ह 2 जनवरी के रायगढ़ जिला के प्रवास म पहुंचही। उहां ले 3 जनवरी के बिलासपुर पहुंचही अऊ 4 जनवरी के कोरबा जिला के प्रवास म रही।
सीएम (cm) बघेल ह तय कार्यक्रम के तहत सनिच्चर के दोपहर 2 बजे हेलीकाफ्टर ले रायगढ़ पहुंचही। इहां सीएम बघेल ह 2.10 बजे मिनी स्टेडियम म होवइया लोकार्पण अऊ शिलान्यास कार्यक्रम म शामिल होही। संगेसंग आमसभा ल घलो संबोधित करही। सीम बघेल ह शाम 4 बजे रायगढ़ ग्राम सम्बलपुर बर प्रस्थान करही। इहां गौठान के निरीक्षण करही।
एखर बाद शाम 4.50 बजे रायगढ़ के इंग्लिश मीडियम स्कूल के निरीक्षण करही।
एखर बाद सीएम (cm) बघेल ह बाबा धाम ग्राम कोसमनारा म बाल उद्यान के उद्घाटन कार्यक्रम म शामिल होही। उहचे कोसमनारा ले शाम 6.20 बजे केन्द्रीय विद्यालय मैदान पहुंचही। इहां कुपोसण मुक्त ग्राम के सरपंच, महिला समूह अऊ युवा प्रतिनिधि मंडल ले मुलाकात अऊ चर्चा करही।
No Comment! Be the first one.