Chhattisgarh: सीएम भूपेश बघेल ह आज ले नारायणपुर जिला के दौरा म, पढो पूरा खबर

जय जोहार…. (chhattisgarh) सीएम भूपेश बघेल ह काली ले बस्तर संभाग के दौरा रही। सीएम बघेल ह 9 अऊ 10 जनवरी के बस्तर संभाग के नारायणपुर जिला म होवइया अलग-अलग कार्यक्रम म शामिल होही। ए दौरान सीएम बघेल ह नारायणपुर म विकास कार्य के लोकार्पण, शिलान्यास अऊ आमसभा ल संबोधित करही।

(chhattisgarh) सीएम बघेल तय दौरा कार्यक्रम के मुताबिक काली रायपुर ले बिहनिया 10.45 बजे हेलीकाफ्टर ले रवाना हो के दोपहर 12 बजे नारायणपुर जिला के केरलापाल पहुंचही। जिहां आदर्श गौठान के अवलोकन करही। एखर बाद सीएम बघेल ह दोपहर 12.55 बजे केंद्रीय विद्यालय परिसर, गरांजी नारायणपुर के अवलोकन करही।

एखर बाद दोपहर 1.40 बजे अलग-अलग विकास कार्य के लोकार्पण-भूमिपूजन एवं अलग-अलग योजना के हितग्राही मन ल सामग्री के वितरण करही अऊ आमसभा ल संबोधित करही।

(chhattisgarh) सीएम बघेल दोपहर 3.55 बजे स्वामी आत्मानंद अंग्रेजी माध्यम विद्यालय सिंगोड़ीतराई का अवलोकन करही। एखर बाद शाम 4 बजे पुलिस पेट्रोल पंप नारायणपुर के लोकार्पण करही। सीएम बघेर ह शाम 4.45 बजे रामकृष्ण मिशन आश्रम नारायणपुर के कार्यक्रम म शामिल होही।