cm भूपेश बघेल ह दे हे अधिकारी अउ कर्मचारी मन ल बड़का राहत, वार्षिक वेतनवृद्धि ह निर्धारित तिथि ले ही मिलही
जय जोहार…. सीएम (cm) भूपेश बघेल ह राज्य शासन के अधिकारी-कर्मचारी मन ल बड़का राहत दे हे।
कोरोना संकट सती राज्य सरकार के अधिकारी अउ कर्मचारी मन के वार्षिक वेतनवृद्धि ल विलंबित करे गे रिहिस, जेला बहाल करे के निर्देश मुख्यमंत्री भूपेश बघेल ह दे हे।
सीएम (cm) बघेल ह कहिन कि राज्य शासन के अधिकारी अउ कर्मचारी मन ल जेला एक जुलाई के वेतनवृद्धि ह मिलथे। ओला वेतनवृद्धि ह एक जुलाई के ही मिलही।
लेकिन जुलाई ले दिसंबर महिना तक के वेतनवृद्धि के एरियर्स राशि के भुगतान ल अवइया जनवरी माह म एकमुश्त करे जाही।
अइसने जेन अधिकारी अउ कर्मचारी मन के वेतनवृद्धि ह एक जनवरी के लगत हे। ओला एक जनवरी के ही वेतनवृद्धि मिलही अउ ओखर एरियर्स राशि के भुगतान ल छह माह बाद अवइया जुलाई म करे जाही।
गौरतलब हे कि कोराना संकट काल म राज्य के वित्तीय व्यवस्था ल देखत हुये वित्त विभाग के तरफ ले अधिकारी अउ कर्मचारी मन के वेतनवृद्धि ल अवइया आदेश तक विलंबित करे गे रिहिस।
सीएम (cm) भूपेश बघेल ले आज इहां ओखर निवास कार्यालय म छ्त्तीसगढ़ कर्मचारी-अधिकारी फेडरेशन के प्रतिनिधिमण्डल ह प्रांतीय संयोजक कमल वर्मा के नेतृत्व म मुलाकात करे हे अउ ओखर ले अधिकारी अउ कर्मचारी मन के तय तारीख म वेतनवृद्धि दे के आग्रह करिन।
मुख्यमंत्री ह कर्मचारी संगठन के मांग म वेतनवृद्धि ल निर्धारित तिथि म देने अउ एखर एरियर्स राशि के भुगतान ल छह माह बाद करे म अपन सहमति प्रदान करे हे।
