जय जोहर। सीएम भूपेश बघेल (CM Bhupesh Baghel) ले विधानसभा म ओखर कार्यकाल कक्ष म विधायक देवती कर्मा के नेतृत्व म दंतेश्वरी मंदिर कमेटी के सदस्य ह सौजन्य मुलाकात करीन । वोहा मुख्यमंत्री ल दंतेवाड़ा म आयोजित फागुन मंड़ई बर आमंत्रित दीन । मुख्यमंत्री ह कमेटी के सदस्य ल आमंत्रण बर धन्यवाद दीन । ए अवसर म दंतेश्वरी मंदिर के सहायक पुजारी परमेश्वर नाथ जिया, सदस्य हरि डेगल, चालकी भरत कश्यप अउ गजलु पोड़ियाम घलो उपस्थित रिहीन ।
श्री डेगल ह बताइन कि बसन्त पंचमी ले सुरु होवइया ए फाल्गुन मंड़ई म सामिल होय ल ओडिसा, तेलंगाना, आंध्रप्रदेश अउ महाराष्ट्र के सीमावर्ती क्षेत्र ले लगभग 800 देवी-देवता के आगमन होत हे । फागुन मास के अंतिम दस दिन म आयोजित आदिवासी समाज के पारम्परिक देवभक्ति, आदिवासी संस्कृति अउ लोक नृत्य के ये उत्सव अपन चरम म होत हे । आदिवासी लोक संस्कृति, परम्परा अउ मान्यता ल जीवित रखे बर राजा पुरुषोत्तम देव ह फागुन मंडई के सुरुवात करे रिहीन ।
