सीएम भूपेश बघेल ह पॉवर ट्रांसमिशन कंपनी के 27 दिवंगत कर्मी मन के आश्रित मन ल प्रदान करिन अनुकम्पा नियुक्ति
जय जोहार…. सीएम भूपेश बघेल ह सनिच्चर के अपन निवास कार्यालय म छत्तीसगढ़ स्टेट पॉवर ट्रांसमिशन कंपनीज म सेवारत रहत हुये दिवंगत कर्मी मन के 27 आश्रित मन ल अनुकम्पा नियुक्ति पत्र प्रदान करिन। सीएम बघेल ह कहिन कि प्रेदश म होवत तेज विकास के धुरी बिजली हे। हर्ष के बात हे कि बिजली के मामले म छत्तीसगढ़ ह देश के अग्रणी राज्य म शामिल हे। इहां कृषि अऊ उद्योग जगत समेत घरेलू उपभोक्ता मन बर सहज अऊ सस्ते दर म बिजली उपलब्ध होवत हे।
अनुकम्पा नियुक्ति पवइया म मंजू साहू महासमुंद, शीतल कोशले गुढ़ियारी, अंजु धीवर राजेंद्रनगर, रूकमणी सिन्हा सड्डू, संध्या देवांगन तेलीबांधा, मंजू साहू सेलूद पाटन, नलिनी विश्वकर्मा भिलाई अऊ रोहणी साहू खम्हारडीह ल नियुक्ति पत्र प्रदान करे गिस।
शेष आश्रित मन ल ओखर नियुक्ति पत्र कंपनी प्रबंधन के तरफ ले वितरित करे जाही। एमा मंजू देवांगन तखतपुर, ममता साहू बिलासपुर, फिरतीन देवी टंडन जैजपुर, ओमिन करभाल बालोद, बबीता बिंझेलकर राजनांदगांव, पूनम महला कवर्धा, गीता निषाद जांजगीर-चांपा, कांति ठाकुर महासमुंद, नीलम वैष्णव डोंगरगढ़, केश्वरी दास कुनकुरी, देवकी निषाद जगदलपुर, श्यामबाई साहू बिरकोना, विजयलक्ष्मी रावटे नारायणपुर, रेश्मा कश्यप बिलासपुर, दीपिका प्रजापति धमतरी, उर्मिला कुंजाम कांकेर, सुमन सिंह सरगुजा, धनीराम रजक जांजगीर-चांपा अऊ रामनारायण राठौर बिलासपुर शामिल हे।
आश्रितों को नियुक्ति पत्र
