cm भूपेश बघेल ह दे हे बीजापुर के जनता ल 96 करोड़ के विकास कार्य के सौगात

जय जोहार…. सीएम (cm) भूपेश बघेल ह आज ई लोकार्पण अउ भूमिपूजन ले बीजापुर जिला के जनता ल 96 करोड़ रूपिया के लागत के 171 विकास कार्य के सौगात दे हे।

ए कार्यक्रम के आयोजन ल बीजापुर जिला के विकासखंड भैरमगढ़ के सामुदायिक स्वास्थ्य केंद्र में करे गिस।

सीएम भूपेश बघेल ह रायपुर के अपन निवास कार्यालय ले वीडियो कांफ्रेंसिंग ले जुड़िन।

ए दौरान सीएम (cm) भूपेश बघेल ह भैरमगढ़ सामुदायिक स्वास्थ्य केंद्र म नवनिर्मित ट्रामा सेन्टर के ई उद्घाटन करिन।

सीएम ह ए मउका म भैरमगढ़ म इंद्रावती नदी म आवागमन बर बोट अउ एक एंबुलेंस उपलब्ध कराय के घोसना करिन।

ए कार्यक्रम के अध्यक्षता ल स्वास्थ्य मंत्री टीएस सिंहदेव ह करिस। मंत्री सिंहदेव ह घलो वीडियो कांफ्रेंसिंग ले जुड़िस।

ए अवसर पर सीएम (cm) भूपेश बघेल ह लगभग 29 करोड़ 15 लाख रूपिया के 39 कार्य के ई लोकार्पण अउ 66 करोड़ 85 लख रूपिया के लागत के 132 विकास कार्य के ई-भूमिपूजन करिन।