मिनीमाता पुण्यतिथि कार्यक्रम म शामिल होइस मुख्यमंत्री , किहीस कि दीन दुखी अउ गरीब मनखे के मदद बर याद करे जाथे मिनीमाता

दीपक बावनकर@रायपुर आज पूरा प्रदेश म मिनीमाता के पुण्यतिथि मनाय जात हे, राजीव भवन म कांग्रेसी मन मिनीमाता के तैल चित्र म पुष्प अर्पित करिस त एति नवा बस स्टैंड पंडरी म मिनीमाता के आदमकद प्रतिमा म प्रदेश के मुख्यमंत्री ह पुष्पांजलि अर्पित कर ओला याद करिस । ये मउका म मुख्यमंत्री ह किहिस कि राज्य के पहिली महिला सांसद मिनीमाता ल दीन दुखी अउ गरीब मन के मदद करे बर याद करे जथे,

पुण्यतिथि कार्यक्रम म मुख्यमंत्री घोषणा करीस कि गिरौदपुरी ल गरिमा के अनुसार सरकार विकसित करही, मुख्यमंत्री ह अगला बजट म 11 कन्या छात्रावास के स्वीकृति के ऐलान घलोक करिस। पुण्यतिथि कार्यक्रम म मुख्यमंत्री के संग पीसीसी अध्यक्ष मोहन मरकाम ,अमितेष शुक्ला के संग बड़ अकन समाज के मनखे मन उपस्थित रिहींन।